~~META:
title = Алесь Пісьмянкоў — Мой сад у снезе па калена...
&keywords = Алена, Пісьмянкоў
&abstract = Чытаць верш "Мой сад у снезе па калена..." Алеся Пісьмянкова
&iftrue = nan
~~

====== Алесь Пісьмянкоў — Мой сад у снезе па калена... ======
Мой сад у снезе па калена\\
Азяб у золь і снегапад...\\
Табе не холадна, Алена?\\
Табе не холадна, Алена?\\
Табе не хочацца назад?\\
\\
Мой сад зусім не салаўіны –\\
У ім ахрыплыя вятры.\\
У ім рабіна ды каліна,\\
У ім рабіна ды каліна –\\
Вось і усе яго дары.\\
\\
Мой сад пусцее без дагляду.\\
Яго сячэ калючы град.\\
Ён замаркоціўся без свята...\\
Ён замаркоціўся без свята...\\
Табе не хочацца назад?\\
\\
Мой сад у снезе па калена.\\
Над ім і золь, і снегапад...\\
Табе не холадна, Алена?\\
Табе не боязна, Алена?\\
Табе не хочацца назад?

 


===== Падобныя старонкі =====
  * [[творы/алесь-пісьмянкоў/алесь-пісьмянкоў-роднае]]
  * [[творы/алесь-пісьмянкоў/алесь-пісьмянкоў-продкі]]
  * [[творы/алесь-пісьмянкоў/алесь-пісьмянкоў-балада-роду]]
  * [[творы/алесь-пісьмянкоў/алесь-пісьмянкоў-спавядацца-бяжым-да-пры]]
  * [[творы/алесь-пісьмянкоў/алесь-пісьмянкоў-вяртанне]]