~~META:
title = Алесь Пісьмянкоў — Крыху акрыяўшы ад страты...
&keywords = якая, бывала
&abstract = Чытаць верш Алеся Пісьмянкова "Крыху акрыяўшы ад страты..."
&iftrue = nan
~~

====== Алесь Пісьмянкоў — Крыху акрыяўшы ад страты... ======
Крыху акрыяўшы ад страты,\\
Спазнаўшы сіроцкае ліха,\\
У мройлівы час лістапада\\
Сумую на станцыі ціхай.\\
\\
Да горкай прыпаўшы таполі,\\
Зноў слухаю вецер панылы.\\
Якая пакутная доля,\\
Якая цяжкая бяскрыласць!\\
\\
I як сіратліва навокал!\\
Як вусцішна ў лесе і ў полі!\\
Мне тут яшчэ так адзінока\\
Не бывала ніколі.\\


\\
Крыніца: Прайсці праз зону. Кн. 2. Проза, паэзія, публіцыстыка / Уклад. І. Бутовіч; Маст. В. Шкаруба. Мн.: Маст. літ., 2001. – 558 с.

 


===== Падобныя старонкі =====
  * [[творы/алесь-пісьмянкоў/алесь-пісьмянкоў-балада-роду]]
  * [[творы/алесь-пісьмянкоў/алесь-пісьмянкоў-вяртанне]]
  * [[творы/алесь-пісьмянкоў/алесь-пісьмянкоў-спавядацца-бяжым-да-пры]]
  * [[творы/алесь-пісьмянкоў/алесь-пісьмянкоў-роднае]]
  * [[творы/алесь-пісьмянкоў/алесь-пісьмянкоў-продкі]]