~~META:
title = Алесь Камароўскі — Чарнобыльская калыханка
&keywords = мама, лялька, дачушка, заўтра, зоне
&abstract = Чытаць верш Алеся Камароўскага "Чарнобыльская калыханка"
&iftrue = nan
~~

====== Алесь Камароўскі — Чарнобыльская калыханка ======
– Мама, мама,\\
Там, у зоне,\\
Засталася лялька Галя..\\
– Спаць, дачушка,\\
Трэба сёння...\\
Ёсць жа лялька ў нас\\
Другая...\\
\\
– Мама,\\
Ёй адной там\\
Страшна,\\
Яна просіцца,\\
Сумуе...\\
– Спі, дачушка...\\
Лялька наша\\
Хату сёння\\
Там вартуе...\\
\\
– Ну а заўтра?\\
Заўтра, мама?\\
Яна прыйдзе к нам\\
На святы?\\
– Не, дачушка,\\
Бо таксама\\
Не пакіне нашай хаты.\\
\\
Маме ў вочы\\
Горкай солі\\
Сыпнуў\\
Успамін аб зоне...\\
Без любімай лялькі\\
Сёння\\
Не заснуць\\
Маленькай Соні...

 


===== Падобныя старонкі =====
  * [[творы/пімен-панчанка/пімен-панчанка-аб-самым-смачным]]
  * [[творы/іншае/сучасная-літаратура-беларусі/тэма-чарнобыля-ў-беларускай-паэзіі]]
  * [[творы/мікола-мятліцкі/мікола-мятліцкі-санеты-чарнобыля]]
  * [[творы/алесь-пісьмянкоў/алесь-пісьмянкоў-1986]]
  * [[творы/артур-вольскі/артур-вольскі-боль-чарнобыля]]