~~META:
title = Алесь Звонак — Час
&keywords = час
&abstract = Чытаць санет Алеся Звонака "Час"
&iftrue = nan
~~

====== Алесь Звонак — Час ======
Даруй мне, час, за слоў просталінейнасць,\\
На ўяўнай злосці шал не наракай!\\
Не, выгінастай рыссю духу ленасць\\
Мяне не цікавала спадцішка!\\
\\
Я ведаю: і рух жыцця, і тленнасць –\\
Усё ў тваіх упэўненых руках.\\
Ты нас вучыў не прыгінаць каленяў,\\
Калі прыйшлося ў поцемках блукаць.\\
\\
Табе я з дзён маленства падначален,\\
I вось па бурным рэчышчы плыву\\
Да самага канечнага прычалу.\\
\\
Але і там цябе я пазаву\\
Сказаць: хоць нас на вернасць не вянчалі,\\
Я сувязей з табой не разарву!

 


===== Падобныя старонкі =====
  * [[слоўнік/санет]]
  * [[творы/максім-багдановіч/максім-багдановіч-санет-замёрзла-ноччу-ш]]
  * [[слоўнік/вянок-санетаў]]
  * [[творы/максім-багдановіч/максім-багдановіч-санет-паміж-пяскоў-егі]]
  * [[творы/янка-купала/янка-купала-для-зямлі-прадзедаў-маіх]]