~~META:
title = Алесь Звонак — Мудрасць
&keywords = гадамі, многа
&abstract = Чытаць санет Алеся Звонака "Мудрасць"
&iftrue = nan
~~

====== Алесь Звонак — Мудрасць ======
З гадамі мы да дзей сваіх стражэй.\\
Да мудрасці нялёгкая дарога.\\
Той яснасць вока й думкі зберажэ,\\
Каму ў жыцці зазнаць прыпала многа.\\
\\
Перад абліччам праўды не салжэ\\
Агнём загартаваны розум строгі.\\
Таму і дня святло мне даражэй,\\
Чым першай квадры водбліск срэбрарогі.\\
\\
У ясны дзень ступіў на ганак твой,\\
Хаця пяскамі, каменем, жарствой\\
Мае ў дарозе доўгай ногі збіты.\\
\\
Не клянучы цяжкое рамяство,\\
Тваіх крупінак зыркіх хараство\\
Прыберагу, як дарагі здабытак!\\
\\
1956

 


===== Падобныя старонкі =====
  * [[слоўнік/санет]]
  * [[творы/максім-багдановіч/максім-багдановіч-санет-паміж-пяскоў-егі]]
  * [[творы/янка-купала/янка-купала-для-зямлі-прадзедаў-маіх]]
  * [[творы/максім-багдановіч/максім-багдановіч-санет-замёрзла-ноччу-ш]]
  * [[слоўнік/вянок-санетаў]]