~~META:
title = Алесь Звонак — Курапаты
&keywords = Звонак, Курапаты
&abstract = Чытаць верш "Курапаты" Алеся Звонака
&iftrue = nan
~~

====== Алесь Звонак — Курапаты ======
Капай глыбей, капай смялей, лапата,\\
Дакопвай жудасць праўды да канца!\\
Што можа быць страшней за Курапаты,\\
Страшней, чым кроў і попел Трасцянца?!\\
\\
Тут свой свайму, зямляк ці брат сабрату\\
Не шкадаваў смяротнага свінца.\\
У рукі ўклаў ім "геній" канапаты\\
Сякеру ката, а не штых байца!\\
\\
Мінуўшчыны нямазанае кола,\\
На павароце часу не рыпі!\\
Не дай наш боль чыноўнае назоле\\
У папяровым моры утапіць.\\
\\
Галовы моўчкі пасхіляйма долу,—\\
На нас глядзяць з дакорам чарапы!

\\
1991

 


===== Падобныя старонкі =====
  * [[творы/сяргей-грахоўскі/сяргей-грахоўскі-ахвяры]]
  * [[творы/сяргей-грахоўскі/сяргей-грахоўскі-вечная-памяць]]
  * [[творы/максім-танк/максім-танк-курапаты]]
  * [[творы/васіль-быкаў/васіль-быкаў-жоўты-пясочак]]
  * [[творы/генадзь-бураўкін/генадзь-бураўкін-курапаты]]