~~META:
title = Алесь Звонак — Арлан
&keywords = Звонак, Арлан
&abstract = Чытаць верш Алеся Звонака "Арлан"
&iftrue = nan
~~

====== Алесь Звонак — Арлан ======
Лунаў арлан над сопкай беласнежнай,\\
Дзе сонца, ў вочы блікамі б’ючы,\\
Сляпіла пільны зрок арліны.\\
Яго ўсё вабіў акіян бязмежны,\\
I бліскавіцы грозныя мячы,\\
I дзікія міжгорныя лагчыны.\\
I, ўзняўшыся да краю хмары срэбнай,\\
Ён крылле белае над светам распластаў,\\
Пільнуючы нядбайную здабычу.\\
А дзесьці там, між сланцаватых рэбраў,\\
Ля выемкі бясцэннага пласта\\
За ім сачыў здабытчык-паляўнічы.\\
I грымнуў стрэл.

I вось шпарчэй, чым камень,

Паў белакрылы на скалу арлан\\
З асколкам неба ў воку ашклянелым...\\
...I мне знаёма рызыка шуканняў\\
I самародкаў рэдкасны паклад,\\
I ўзлёт увысь,

і ў бездань крок нясмелы...

Адно нязменна: вечны рух наперад\\
I мараў раззалочаны спічак,\\
I радасць лёту думкі белакрылай...\\
Таму лаўлю жар-птушкі алай пер’е,\\
А сам нашу, пакуль жывы, ў вачах\\
Асколак неба бацькаўшчыны мілай...\\
\\
1951

 


===== Падобныя старонкі =====
  * [[творы/алесь-звонак/алесь-звонак-радзіма]]
  * [[творы/алесь-звонак/алесь-звонак-гарбуз]]
  * [[творы/алесь-звонак/алесь-звонак-курапаты]]
  * [[творы/алесь-звонак/алесь-звонак-дагарэла-зара-ў-небакраі]]
  * [[творы/алесь-звонак/алесь-звонак-мой-сад]]