~~META:
title = Алесь Гарун — Януку Купале
&keywords = гарун, купала
&abstract = Чытаць верш Алеся Гаруна "Януку Купале"
&iftrue = nan
~~

====== Алесь Гарун — Януку Купале ======
Хоць прастая і малая\\
"Жалейка" твая,\\
Але надта пекна грае,\\
Як паслухаў я.\\
Грае звонка, стаіць ёмка\\
За свой родны край;\\
Сярод бедаў і пацёмкаў\\
Будзіць, так і знай,\\
Каб ачнулісь, страпянулісь,\\
Кожны стаў брат, друг, −\\
Абярнулісь, аглянулісь\\
На сябе вакруг.\\
Свае мора бяды, гора,\\
Крыві, поту, слёз,\\
Каб звёў кожны дружна, скора,\\
З паніжэння ўскрос.\\
Так спявае, так іграе\\
"Жалейка" твая...\\
Табе "дзякуй" скажа ўсякі,\\
Дык скажу і я!\\
\\
1908

 


===== Падобныя старонкі =====
  * [[творы/янка-купала/тэма-народнага-жыцця-і-любоў-да-радзімы-]]
  * [[творы/янка-купала/тэма-паэта-і-паэзіі-ў-творчасці-янкі-куп]]
  * [[творы/янка-купала/янка-купала-пясняр-беларускага-народа]]
  * [[творы/янка-купала/драматургічнае-майстэрства-янкі-купалы]]
  * [[творы/янка-купала/пошукі-героямі-шляхоў-да-шчаслівага-жыцц]]