~~META:
title = Алесь Гарун — Роднаму краю
&keywords = Гарун, край
&abstract = Чытаць верш Алеся Гаруна "Роднаму краю"
&iftrue = nan
~~

====== Алесь Гарун — Роднаму краю ======
Чаму з маленства, з ураджэнства\\
Ў жыццёвы май\\
Не ўмеў, як маці, шанаваці\\
Цябе, мой край?\\
То ж я з тваёю ключавою\\
Святой вадой\\
Напіўся болю аб нядолі,\\
Бядзе людской.\\
То ж ты, мой хмуры, даў мне пануры\\
I ціхі гнеў,\\
А днём падчасным, так пекным, ясным,\\
Надзею грэў.\\
Твае ж курганы, лясы, паляны,\\
Дубкоў тых шум,\\
Палёў абшары, люд бедны, шары\\
Мне далі дум.\\
А дум тых многа...\\
Не, не ў бога\\
Ты даў мне іх.\\
I ты ж, як маці, наўчыў спяваці\\
Аб думах тых.\\
Я браў, не бачыў і не аддзячыў\\
Табе нічым,\\
Бо счараваны – цябе, укаханы,\\
Не знаў саўсім.\\
Цяпер хоць знаю, дык што ж параю\\
Ад позніх скрух?\\
Ў чужой краіне паволі гіне\\
За дзелам – дух.\\
Вазьмі ж хоць спевы, дум перапевы\\
Лясоў тваіх.\\
З тваёй глебы, з тваёга неба\\
Узяў я іх.\\
\\
1911

 


===== Падобныя старонкі =====
  * [[ibdc.ped>мой-край]]
  * [[творы/васіль-зуёнак/васіль-зуёнак-будучыня]]
  * [[ibdc.ped>святло-радзімы]]
  * [[ibdc.ped>свой-край]]
  * [[творы/авяр-ян-дзеружынскі/авяр-ян-дзеружынскі-я-спяваю-ты-спявай]]