~~META:
title = Алесь Гарун — Лётала чайка, сумна крычала...
&keywords = чайка
&abstract = Чытаць верш Алеся Гаруна "Лётала чайка, сумна крычала..."
&iftrue = nan
~~

====== Алесь Гарун — Лётала чайка, сумна крычала... ======
Лётала чайка, сумна крычала,\\
Збурылі гнёздка, што збудавала:\\
– Кіулі, кіулі!\\
Ў неба ўзлятае, моцна галосіць.\\
Чорную хмарку жалабна просіць:\\
– Кіулі, кіулі!\\
Хмару мінула, сонейка бачыць, –\\
Жаліцца слонцу, жаліцца, плачыць:\\
– Кіулі, кіулі!\\
Лётае чайка, скігліць у жалю, –\\
Людзі благія дзетак дабралі:\\
– Кіулі, кіулі!

 


===== Падобныя старонкі =====
  * [[творы/мікола-лупсякоў/мікола-лупсякоў-дняпроўская-чайка]]
  * [[ibdc.ped>дняпроўская-чайка]]
  * [[ibdc.ped>чайка]]
  * [[ibdc.ped>дняпроўская-чайка-3597]]
  * [[ibdc.ped>чайка-дапамагла]]