~~META:
title = Алесь Бачыла — Ціха сосны шумяць
&keywords = ціха, сосны, шумяць, спяць, травы
&abstract = Верш Алеся Бачылы "Ціха сосны шумяць"
&iftrue = nan
~~

====== Алесь Бачыла — Ціха сосны шумяць ======
Ціха сосны шумяць,\\
як у ноч пасля бою,\\
пад іх шатамі спяць\\
у магілах героі.\\
\\
Вецер хіліць тайком\\
нізка травы густыя.\\
Спіцца лёгкім хай сном\\
вам, сябры баявыя.\\
\\
А вакол на зямлі,\\
дзе жыве пра вас памяць,\\
расквітнелі палі\\
залатымі аўсамі.\\
\\
Па-над рэчкаю лён\\
зацвітае блакітам,\\
аддае вам паклон\\
буйным коласам жыта.\\
\\
А ўначы, калі спяць\\
і палеткі і травы,\\
ціха сосны шумяць\\
пра геройства і славу.

 


===== Падобныя старонкі =====
  * [[творы/алесь-бачыла/алесь-бачыла-радзіма-мая-дарагая]]
  * [[творы/алесь-бачыла/алесь-бачыла-колькі-кот-набіў-пасуды]]
  * [[творы/алесь-бачыла/алесь-бачыла-мама]]
  * [[творы/алесь-бачыла/алесь-бачыла-матчына-мова]]
  * [[творы/ніл-гілевіч/ніл-гілевіч-жыта-сосны-і-валуны]]