~~META:
title = Алесь Бачыла — Радзіма мая дарагая...
&keywords = любві, народ, аўтар, зямлі, радзіма, чужое, краю, песня, вайны, неба, мірнае
&abstract = Чытаць верш Алеся Бачылы "Радзіма мая дарагая...". Адказы на пытанні да верша
&iftrue = nan
~~

====== Алесь Бачыла — Радзіма мая дарагая... ======
Радзіма мая дарагая,\\
Ты ў шчасці жаданым жыві!\\
Я сэрцам табе прысягаю\\
Ў шчырай сыноўняй любві!\\
\\
На рэках шырокіх і нівах,\\
Заводах, будоўлях – наўсцяж\\
Народ наш працуе руплівы\\
І край ўзвышаецца наш.\\
\\
Навокал жыццё расцвітае –\\
І песня ўзлятае сама:\\
Мне лепей ад роднага краю\\
Нічога на свеце няма.\\
\\
Чужое зямлі нам не трэба,\\
Пачуцці ў нас сёння адны:\\
Мы хочам, каб мірнае неба\\
Не знала пажару вайны.\\
\\
Мы дружбы народам жадаем\\
І шчырай братэрскай любві.\\
Радзіма мая дарагая,\\
Красуйся і ў шчасці жыві!

**Адказы на пытанні:**\\
1. Асноўная думка верша заключана ў наступных радках:

Чужое зямлі нам не трэба,\\
Пачуцці ва ўсіх нас адны:\\
Мы хочам, каб мірнае неба\\
Не знала пажараў вайны.

\\
2. Вершы Алеся Ставера і Алеся Бачылы аб’ядноўвае моцнае пачуццё патрыятызму, любві да свайго краю, замілаванне яе краявідамі і людзьмі, якія жывуць на гэтай зямлі.\\
3. Песня "Радзіма мая дарагая…" (музыка Уладзіміра Алоўнікава) вельмі прыгожая, кранае да глыбіні душы, нагадвае гімн, гучанне урачыстае, спеўнае, мілагучнае.\\
4. Прысяга – гэта афіцыйнае і ўрачыстае абяцанне быць верным.\\
Аўтар "сэрцам прысягае" – прызнаецца ў любві, вернасці і шчырасці ў сваіх пачуццях да краіны.\\
5. Выраз "...край ўзвышаецца наш..." значыць, што край становіцца багатым, вядомым і паважаным сярод іншых краін свету.\\
6. Аўтар сцвярджае думку аб тым, што беларускі народ – народ міра і згоды. Ён ніколі не нападаў, не распачынаў сваркі. Адкрыты, гасцінны і душэўны, наш народ марыць пра мір і спакой на нашай планеце.\\
7. Аўтар марыць пра шчаслівую будучыні Беларусі, пра яе росквіт, багацце, мір.

 


===== Падобныя старонкі =====
  * [[творы/алесь-разанаў/алесь-разанаў-радзіма]]
  * [[ibdc.ped>скарбы-нашай-радзімы]]
  * [[ibdc.ped>ганарымся-бацькаўшчынай]]
  * [[ibdc.ped>любоў-да-радзімы]]
  * [[творы/янка-купала/тэма-народнага-жыцця-і-любоў-да-радзімы-]]