~~META:
title = Алесь Бачыла — Наказ маці
&keywords = ніколі, нашай, сынок
&abstract = Чытаць верш Алеся Бачылы "Наказ маці"
&iftrue = nan
~~

====== Алесь Бачыла — Наказ маці ======
Што ж, бывай... –

на расстанне журботна сказала, –

І глядзі, не лянуйся ніколі, сынок,\\
Між людзей і дзівос і спакусы нямала,\\
Сцеражыся дурнога ў жыцці, галубок.\\
\\
Не бяда, калі прыйдзецца зведаць прынуку\\
Ты не бойся яе, не абходзь стараной.\\
Не цурайся нічога. Запомні: навука –\\
Не жабрацкая торба, не горб за спіной.\\
\\
Пастараешся добра, мо станеш вучоным,\\
Зможаш розуму гэткіх, як сам, навучыць...\\
І тады ўжо высокай навукі законы\\
І на мове на нашай для ўсіх загучаць.\\
\\
Дык смялей жа ідзі па зямлі нашай мілай.\\
Хай сумленна праляжа нялёгкі твой пуць...\\
Я ніколі благому цябе не вучыла,\\
Помні гэта, сынок, і разважлівым будзь.

 


===== Падобныя старонкі =====
  * [[творы/янка-золак/янка-золак-ода-маці]]
  * [[ibdc.ped>сустрэча-з-маці]]
  * [[ibdc.ped>на-скрыжаванні]]
  * [[ibdc.ped>i-надыходзіць-дзень]]
  * [[ibdc.ped>да-маці]]