~~META:
title = Алесь Бачыла — Мама
&keywords = толькі, мамы
&abstract = Чытаць верш Алеся Бачылы "Мама"
&iftrue = nan
~~

====== Алесь Бачыла — Мама ======
Свет вялікі… Словы, словы…\\
Колькі іх – і не злічыць!\\
Толькі «мама» на ўсіх мовах\\
Скрозь аднолькава гучыць.\\
\\
I хоць розных моў таксама\\
Ў цэлым свеце о-ё-ёй!..\\
Толькі мамы, нашы мамы,\\
Размаўляюць на сваёй.\\
\\
Той, што змалку сэрцу блізка,\\
На якой зімой і ў май\\
Пела маці над калыскай:\\
«Спі, мой сынку, засынай»\\
\\
Адганяла цень трывожны,\\
Атуляла дабратой\\
I спявала… Хіба ж можна\\
Адрачыся песні той?\\
\\
Хай табе не засціць памяць\\
Аніякая імгла…\\
Калі крыўдзіў хто, ты ж маму\\
Клікаў… Мама ўсё магла:\\
\\
Адагнаць бяду, нягоды,\\
Холад, немарач, адчай…\\
Добрым сынам будзь заўсёды\\
I яе не засмучай.

 


===== Падобныя старонкі =====
  * [[ibdc.ped>да-маці]]
  * [[ibdc.ped>сустрэча-з-маці]]
  * [[ibdc.ped>на-скрыжаванні]]
  * [[творы/янка-золак/янка-золак-ода-маці]]
  * [[ibdc.ped>i-надыходзіць-дзень]]