~~META:
title = Алесь Бачыла — Колькі кот набіў пасуды
&keywords = валерка, мама, вазу, пасуды
&abstract = Чытаць верш Алеся Бачылы "Колькі кот набіў пасуды"
&iftrue = nan
~~

====== Алесь Бачыла — Колькі кот набіў пасуды ======
Я расказваць вам не буду,\\
Колькі кот набіў пасуды,\\
Хай раскажа сам Валерка, –\\
Чайнік, супнік, дзве талеркі,\\
Ажно сем гаршкоў з-пад кветак\\
I ў дадатак – пяць разетак.\\
А спытаюць – скрывіць рот:\\
– Гэта ўсё пракляты кот...\\
\\
«Кот – дык кот...»\\
I ўсё таму\\
З рук сыходзіла яму.\\
\\
Мо сышло б і гэтым разам –\\
Не змахні з серванта вазу.\\
Ваза ў друз – Валерка ў пот:\\
«Як сказаць, што скінуў кот?\\
Хто ж паверыць той мане –\\
Кот жа вазу не скране.\\
Вось дык гора... Вось бяда...\\
Ды і коціка шкада –\\
Зноў пратураць за парог».\\
Хлопчык больш ілгаць не мог.\\
\\
Мама нават не журыла,\\
А за шчырасць – пахваліла.\\
Рад Валерка, Рада мама,\\
I, вядома, кот – таксама.\\
Мусіць, з радасці тае\\
Ён пасуды больш не б’е.\\
\\
1978 г.

 


===== Падобныя старонкі =====
  * [[творы/алесь-бачыла/алесь-бачыла-матчына-мова]]
  * [[творы/алесь-бачыла/алесь-бачыла-наказ-маці]]
  * [[творы/алесь-бачыла/алесь-бачыла-радзіма-мая-дарагая]]
  * [[творы/алесь-бачыла/алесь-бачыла-беларусь]]
  * [[творы/алесь-бачыла/алесь-бачыла-мама]]