~~META:
title = Алесь Бадак — У тэатры
&keywords = трэба
&abstract = Чытаць верш Алеся Бадака "У тэатры"
&iftrue = nan
~~

====== Алесь Бадак — У тэатры ======
У тэатры, як у школе:\\
Не пабегаеш уволю\\
І не вельмі пакрычыш,\\
А часцей – зусім маўчыш.\\
Вось і тут звініць званок,\\
Быццам кліча нас на ўрок.\\
Зачыняюцца ўсе дзверы.\\
Нашы месцы – у партэры.\\
Трэба ціхенька сядзець,\\
Трэба ўважліва глядзець,\\
Трэба слухаць, што гавораць\\
Знакамітыя акцёры.\\
Хоць і цяжка, а маўчым –\\
Мы ж не проста гледачы:\\
Мама сёння нам сказала,\\
Што мы з татам – тэатралы!

 


===== Падобныя старонкі =====
  * [[ibdc.ped>у-тэатры]]
  * [[творы/максім-гарэцкі/максім-гарэцкі-наш-тэатр]]
  * [[ibdc.ped>тэатральны-этыкет]]
  * [[ibdc.ped>беларуская-батлейка]]
  * [[ibdc.ped>вялікі-тэатр-пасля-вялікай-рэканструкцыі]]