~~META:
title = Алесь Бадак — У тумане
&keywords = туман
&abstract = Чытаць верш "У тумане" Алеся Бадака
&iftrue = nan
~~

====== Алесь Бадак — У тумане ======
Нехта нябачны\\
У шэрым тумане\\
Ціха гукаць мяне\\
Вечарам стане\\
Голасам, поўным\\
Пяшчоты і болю.\\
– Хто ты? – спытаю.\\
Адкажа мне:\\
– Воля!\\
Толькі пачну\\
Да яе набліжацца –\\
Гол ас паціху\\
Пачне аддаляцца.\\
Следам пайду я,\\
I будзе навокал\\
Шэры туман,\\
Хоць выкалі вока.\\
Сэрца заные,\\
I стомяцца ногі.\\
Стану.\\
Адчую,\\
Што збіўся з дарогі.\\
Гляну я ўніз –\\
Там недзе\\
Далёка\\
Сонца пачне\\
Выплываць з-за аблокаў.

 


===== Падобныя старонкі =====
  * [[творы/алесь-бадак/алесь-бадак-маці]]
  * [[творы/алесь-бадак/алесь-бадак-адзінокі-васьмікласнік-жадае]]
  * [[творы/алесь-бадак/алесь-бадак-вецер]]
  * [[творы/алесь-бадак/алесь-бадак-пагоня]]
  * [[творы/алесь-бадак/алесь-бадак-беларусачка]]