~~META:
title = Алесь Бадак — Сусед
&keywords = сусед
&abstract = Чытаць верш "Сусед" Алеся Бадака
&iftrue = nan
~~

====== Алесь Бадак — Сусед ======
...Стукне чаркай аб стол ён штосілы,\\
Уздыхне\\
І прамовіць спакойна:\\
«Справядліва ты кажаш,\\
Усім нам\\
Не даруюць нашчадкі такога.\\
Праўду кажаш ты, браце мой,\\
Годзе\\
Нам саромецца роднае мовы».\\
Да канапы ён з цяжкасцю дойдзе\\
І раздзецца, напэўна, не зможа.\\
\\
А на раніцу выйдзе па дровы,\\
Да старэнькага плота прыткнецца,\\
Нагадае мне гэту размову\\
І з сябе і з мяне\\
Пасмяецца.

 


===== Падобныя старонкі =====
  * [[творы/алесь-бадак/алесь-бадак-беларусачка]]
  * [[творы/алесь-бадак/алесь-бадак-адзінокі-васьмікласнік-жадае]]
  * [[творы/алесь-бадак/алесь-бадак-маці]]
  * [[творы/алесь-бадак/алесь-бадак-вецер]]
  * [[творы/кандрат-крапіва/кандрат-крапіва-мой-сусед]]