~~META:
title = Алесь Бадак — Маці
&keywords = Бадак, маці
&abstract = Чытаць верш "Маці" Алеся Бадака
&iftrue = nan
~~

====== Алесь Бадак — Маці ======
Старэнькая маці\\
Зарання прачнецца.\\
Уходзіцца спешна.\\
У горад збярэцца.\\
Яшчэ раз падлічыць\\
Бязважкія грошы.\\
Не скажа суседцы,\\
Куды і навошта.\\
I душны аўтобус\\
За вёскай запыніць.\\
У горад паедзе,\\
Паедзе па сына.\\
Вы ёй не кажыце\\
Пра грэх і законнасць.\\
Вы ёй не дакажаце\\
Сёння ўсё роўна.\\
Яна не паверыць\\
Ніводнаму слову.\\
Ёй трэба начальнік,\\
I самы галоўны.\\
Яна уздыхне адно:\\
«Божа мой, божа!»\\
3 сабой павязе\\
I надзею і грошы.\\
I будзе дарогай\\
Паціху маліцца\\
Да самай, да самай\\
Раённай міліцыі.

 


===== Падобныя старонкі =====
  * [[ibdc.ped>i-надыходзіць-дзень]]
  * [[ibdc.ped>да-маці]]
  * [[ibdc.ped>сустрэча-з-маці]]
  * [[творы/янка-золак/янка-золак-ода-маці]]
  * [[ibdc.ped>на-скрыжаванні]]