Пісьменства

Гэтая старонка толькі для чытання. Вы можаце паглядзець яе зыходны тэкст, але не можаце яго змяніць. Паведаміце адміністратару, калі лічыце, што гэта няправільна.

~~META:
title = Алесь Бадак — Вецер
&keywords = Бадак, вецер
&abstract = Чытаць верш Алеся Бадака "Вецер"
&iftrue = nan
~~

====== Алесь Бадак — Вецер ======
I калі душа панікла\\
У журбе,\\
Я паслаў вясёлы вецер\\
Па цябе.\\
Што ёсць моцы паімчаўся ён,\\
Але\\
Пераблытаў вецер хаты\\
У сяле.\\
Заляцеў праз агароды\\
У канец\\
I прывёў тваю сяброўку\\
Да мяне.\\
На канапе яна ціхая\\
Сядзіць\\
I мне ў вочы так разгублена\\
Глядзіць.\\
Пахнуць вусны яе хмельнаю\\
Вясной.\\
Шчокі чырванню квітнеюць\\
Маладой.\\
Я дамоў яе на золку\\
Правяду\\
I ля хаты вецер сцішаны\\
Знайду.\\
Я паклічу вінаватага\\
Яго\\
I з надворка потым выжану\\
Свайго.\\
Паляціць ён\\
За маўклівае сяло.\\
У чыстым полі сабе\\
Выбера жытло.\\
А затым праз мой старэнькі\\
Сонны сад\\
Асцярожна зноўку вернецца\\
Назад.\\
I з зялёнае бярозкі\\
Каля плоту\\
Ён са злосці абарве\\
Усю лістоту.

 


===== Падобныя старонкі =====
  * [[творы/алесь-разанаў/алесь-разанаў-вецер]]
  * [[творы/алесь-гарун/алесь-гарун-ветру]]
  * [[творы/эдзі-агняцвет/эдзі-агняцвет-кліча-вецер-свежы]]
  * [[творы/іван-навуменка/іван-навуменка-вецер-у-соснах]]
  * [[творы/максім-лужанін/максім-лужанін-міхалкавы-запісы-пра-вятр]]