~~META:
title = Алег Лойка — У зімовым лесе
&keywords = зімовым, іней, ціха, лесе, снежна
&abstract = Верш Алега Лойкі "У зімовым лесе"
&iftrue = nan
~~

====== Алег Лойка — У зімовым лесе ======
У зімовым лесе\\
Снежна, снежна, снежна.\\
Сарокам няўежна,\\
А зайцам няўлежна –\\
\\
Сонца іх не грэе,\\
Вецер іх марозіць,\\
Аднаму мядзведзю\\
Цёпла у бярлозе.\\
\\
У зімовым лесе\\
Іней, іней, іней\\
На сасонках сініх,\\
На старых асінах,\\
\\
Ён сядае нават\\
Срэбнай павуцінай,\\
Калі лось задрэмле,\\
На рагах ласіных...\\
\\
У зімовым лесе\\
Ціха, ціха, ціха,\\
Зрэдку мітуснецца\\
Ў голлі снегірыха,\\
\\
Войкне, баючыся,\\
Што знячэўку спевам\\
Інею карункі\\
Ацярушыць дрэвам.

 


===== Падобныя старонкі =====
  * [[творы/алег-лойка/алег-лойка-над-шчарай]]
  * [[творы/алег-лойка/алег-лойка-сівы-конік]]
  * [[творы/алег-лойка/алег-лойка-верабейчык-верабей]]
  * [[творы/алег-лойка/алег-лойка-радзіме]]
  * [[творы/алег-лойка/алег-лойка-скачуць-скачуць-жарабяткі]]