~~META:
title = Алег Лойка — Верабейчык, верабей
&keywords = дом, вярбе
&abstract = Верш Алега Лойкі "Верабейчык, верабей"
&iftrue = nan
~~

====== Алег Лойка — Верабейчык, верабей ======
Верабейчык, верабей,\\
Шэранькая птушка,\\
Не цвілікай на вярбе,\\
Не будзі дачушкі.\\
\\
Спіць яна салодкім сном\\
На падушцы белай,\\
І прыціх увесь наш дом,\\
Быццам анямелы.\\
\\
Толькі ты адзін у нас\\
Гэткі несвядомы:\\
На галінцы ля вакна\\
Ціўкаеш без стомы.\\
\\
Ці маленькіх у цябе\\
Не было ніколі,\\
Што ля дому на вярбе\\
Ты шуміш, сваволіш?

 


===== Падобныя старонкі =====
  * [[творы/алег-лойка/алег-лойка-два-шчырых-словы]]
  * [[творы/алег-лойка/алег-лойка-сівы-конік]]
  * [[творы/алег-лойка/алег-лойка-над-шчарай]]
  * [[творы/алег-лойка/алег-лойка-радзіме]]
  * [[творы/алег-лойка/алег-лойка-скачуць-скачуць-жарабяткі]]