~~META:
title = Адам Міцкевіч — Калі я, труп жывы...
&keywords = Міцкевіч, труп, жывы
&abstract = Чытаць верш "Калі я, труп жывы..." Адама Міцкевіча
&iftrue = nan
~~

====== Адам Міцкевіч — Калі я, труп жывы... ======
Калі я, труп жывы, з ашклелым вокам\\
Сяджу між вас, у гэты час блукае\\
Душа мая далёка, ах, далёка\\
I наракае ўсё, ах, наракае.\\
Ёсць у мяне зямля, край светлых мрояў,\\
Мілейшага — мне не знайсці другога.\\
Мне ўсе радня там — болей чым крывёю,\\
Там сэрцу гэтак многа дарагога!\\
Туды штоміг — хай праца ці забавы —\\
Ўцякаю я. Сяджу там пад дубамі,\\
Як некалі, кладуся ў звонь, у травы,\\
Ганяюся ізноў за матылямі.\\
Там бачу ў белым зноў яе скрозь далі.\\
Бяжыць у лес яна да нас ад ганка,\\
Ляціць праз поле — тоне ў жытняй хвалі,\\
3-за гор далёкай свеціць мне заранкай.\\
\\
1839-1840

 


===== Падобныя старонкі =====
  * [[творы/адам-міцкевіч/адам-міцкевіч-конрад-валенрод]]
  * [[творы/адам-міцкевіч/адам-міцкевіч-свіцязь]]
  * [[творы/адам-міцкевіч/творчасць-адама-міцкевіча]]
  * [[творы/адам-міцкевіч/адам-міцкевіч-свіцязянка]]
  * [[творы/адам-міцкевіч/адам-міцкевіч-гражына]]