~~META:
title = Адам Гурыновіч — Што за звук ды так громка раздаўся...
&keywords = Гурыновіч
&abstract = Чытаць верш Адама Гурыновіча "Што за звук ды так громка раздаўся..."
&iftrue = nan
~~

====== Адам Гурыновіч — Што за звук ды так громка раздаўся... ======
Што за звук ды так громка раздаўся\\
Па лугах, па палях і лясах,\\
Высако аж пад неба падняўся\\
I са стогнам прапаў ў аблаках.\\
Можа, вецер у лесе так вые\\
Ці старая бяроза скрыпіць?\\
Ці сава − няхай Бог таго крые, −\\
На пагібель у лесе крычыць?\\
Можа, маці над трунай галосіць,\\
Дзе схаваны міленькі сынок?\\
Можа, ласкі у бога там просіць\\
Бедна дзеўка, згубіўшы вянок?\\
О! не то! Гэты стогн, быць не можа,\\
Каб з грудзі выхадзіў ён адной,\\
То увесь наш народ гэтак стогне\\
Над няшчаснаю доляй сваёй.\\
Ёсць і рукі, і шчырай ахвоты\\
Нам да працы не бракла ніколі,\\
Але недзе знайсці нам работы...\\
Ох! не будзе нам хлеба ні солі.\\
Мал надзел нам ад дзедаў астаўся,\\
Падзялілі сыны і яго,\\
А цяпер, глянь, як вузенек стаўся,\\
Два шагі тут ушыр усяго.

 


===== Падобныя старонкі =====
  * [[творы/адам-гурыновіч/адам-гурыновіч-дзякуй-табе-браце-бурачок]]
  * [[творы/адам-гурыновіч/творчасць-адама-гурыновіча]]
  * [[постаці/адам-гурыновіч]]
  * [[творы/адам-гурыновіч/адам-гурыновіч-лірыка]]
  * [[творы/адам-гурыновіч/адам-гурыновіч-што-ты-спіш-мужычок]]