~~META:
title = Адам Гурыновіч — Лірыка
&keywords = Адам, Гурыновіч
&abstract = Аналіз лірыкі Адама Гурыновіча
&iftrue = nan
~~

====== Адам Гурыновіч — Лірыка ======
У вершы [[творы/адам-гурыновіч/адам-гурыновіч-перш-душылі-паны|«Перш душылі паны...»]] [[постаці/адам-гурыновіч|Адам Гурыновіч]] з іроніяй гаворыць пра тыя «змены», якія адбыліся ў парэформенны перыяд, калі ў расійскай дзяржаве пачаў усталёўвацца капіталізм:

Перш душылі паны,\\
Што шляхтай зваліся,\\
Цяпер «сукіны сыны»\\
За нас узяліся.

Ні адны, ні другія нічога не далі, толькі «нашу працу ў свой кішэнь пакавалі». Аўтар заклікае «ўсім сабрацца кучай». Аб'яднаўшыся, яны стануць хмарай, з якой пральецца дождж —

У нашай злой долі\\
Дух падыме у нас,\\
Як рунь у тым полі.\\


Як гром з гэтай хмары, «загручыць усім паном загуба ў вочы!»

Верш «[[творы/адам-гурыновіч/адам-гурыновіч-бор|Бор]]» рытмічнай арганізацыяй, вобразнай сістэмай блізкі да фальклору. Звяртаючыся да бору, аўтар зазначае:

Мы з табой раслі\\
Уздымаліся,\\
На адной зямлі\\
Гадаваліся.\\
Мы зжылісь з табой,\\
Бор наш родненькі,\\
Як з сваёй сумой\\
Жабрак голенькі.

Побач з вобразам бору ў вершы паўстае вобраз народа, у якога няма «долі — шчасценька», які жыве ў нястачы і беднасці.

А на нашых людзях —\\
Усё сярмяжачкі,\\
А у іх кішанях —\\
Ні бумажачкі —

піша Адам Гурыновіч. Аднак услед за гэтым выказвае спадзяванне, што «не будзе ж так векі вечныя», што некалі прыдуць «часы лепшыя!»

 


===== Падобныя старонкі =====
  * [[слоўнік/інтымная-лірыка]]
  * [[слоўнік/лірыка]]
  * [[творы/максім-багдановіч/патрыятычная-лірыка-максіма-багдановіча]]
  * [[слоўнік/грамадзянская-лірыка]]
  * [[творы/пятрусь-броўка/асноўныя-матывы-вобразы-і-мастацкія-асаб]]