~~META:
title = Адам Гурыновіч — Бор
&keywords = Гурыновіч, бор
&abstract = Чытаць верш "Бор" Адама Гурыновіча
&iftrue = nan
~~

====== Адам Гурыновіч — Бор ======
Ох ты, бор, мой бор,\\
Бор сасновенькі!\\
Ты з каторых пор\\
Шуміш, родненькі?\\
Мы з табой раслі,\\
Уздымаліся,\\
На адной зямлі\\
Гадаваліся.\\
\\
Мы зжылісь з табой,\\
Бор наш родненькі,\\
Як з сваёй сумой\\
Жабрак голенькі.\\
А з табой у нас\\
Долі роўныя,\\
Мы з табой якраз\\
Браты родныя.\\
Ні ў нас долі нет,\\
Ні ў нас шчасценька,\\
Апастыў нам свет,\\
Зямля-матанька.\\
У другіх людзей\\
Зямля лепшая,\\
Там і жыць лягчэй,\\
Праца меншая.\\
У пяску сваім\\
Мы купаемся,\\
Не ў прымер другім\\
Прабіваемся.\\
\\
Па лясах другіх\\
Усё лепшае,\\
I ліства на іх\\
Усё страйнейшая.\\
У бары ж шумяць\\
Сосны-ёлачкі,\\
На сучках тырчаць\\
Усё іголачкі.\\
А на нашых людзях —\\
Усё сярмяжачкі,\\
А у іх кішанях —\\
Ні бумажачкі.\\
А і будзем ждаць\\
Часу добрага,\\
Ды ну ж выглядаць,\\
Што ёсць новага.\\
Ды не будзе ж так\\
Векі вечныя,\\
А прыдуць неяк\\
Часы лепшыя!

 


===== Падобныя старонкі =====
  * [[творы/адам-гурыновіч/адам-гурыновіч-лірыка]]
  * [[творы/адам-гурыновіч/адам-гурыновіч-дзякуй-табе-браце-бурачок]]
  * [[творы/адам-гурыновіч/творчасць-адама-гурыновіча]]
  * [[постаці/адам-гурыновіч]]
  * [[творы/адам-гурыновіч/адам-гурыновіч-што-ты-спіш-мужычок]]