~~META:
title = Авяр’ян Дзеружынскі — Прамяніся ярчэй і ярчэй
&keywords = мове, званчэй, ярчэй, мова, прамяніся, беларуская, роднай, слова, простае, звіні, шчырае
&abstract = Чытаць верш Авяр’яна Дзеружынскага "Прамяніся ярчэй і ярчэй"
&iftrue = nan
~~

====== Авяр’ян Дзеружынскі — Прамяніся ярчэй і ярчэй ======
аша простае, шчырае слова –\\
Беларуская мова.\\
Нізавошта не скажаш ніколі,\\
Лепш не выкажаш радасці, болю\\
У адзіным, адным толькі слове,\\
Як на мове сваёй, роднай мове.\\
Тут і плёскат блакітных азёраў,\\
Тут і гоман адвечнага бору,\\
Спеў салоўкі, куванне зязюлі,\\
Голас сэрца любімай матулі.\\
А ці будзеш так сам сумаваць,\\
Ці вясёлую песню спяваць,\\
А ці рэха будзіць у дуброве,\\
Як на мове сваёй, роднай мове?\\
Прамяніся ж ярчэй і ярчэй\\
Ды звіні ўсё званчэй і званчэй,\\
Наша простае, шчырае слова –\\
Беларуская мова.
 


===== Падобныя старонкі =====
  * [[слоўнік/літаратурная-мова]]
  * [[слоўнік/мова-мастацкай-літаратуры]]
  * [[слоўнік/няўласна-простая-мова]]
  * [[слоўнік/вершаваная-мова]]
  * [[слоўнік/аўтарская-мова]]