~~META:
title = Авяр’ян Дзеружынскі — Краўчыха
&keywords = вераб’іха, кішэні, верабей
&abstract = Верш Авяр’яна Дзеружынскага "Краўчыха"
&iftrue = nan
~~

====== Авяр’ян Дзеружынскі — Краўчыха ======
оўга світку вераб’ю\\
шыла вераб’іха.\\
\\
Сіняй ніткай – рукавы,\\
а каўнер – зялёнай.\\
Анідзе вакол няма\\
гэткага фасону.\\
\\
З аксаміту паясок,\\
барвай вышываны.\\
– Во, казала, – апрану\\
вераб’я як пана!\\
\\
На прымерку прыляцеў\\
верабей у сені.\\
Кажа: – Світка так сабе.\\
Толькі ж дзе кішэні?\\
\\
І чырыкнуў злосна ён:\\
– А яшчэ майстрыха!..\\
Ажно стрэльнула крылом\\
злосна вераб’іха:\\
\\
– Я за век свой не адну,\\
шмат пашыла світак.\\
На кішэні ж на твае\\
не хапіла нітак!
 


===== Падобныя старонкі =====
  * [[ibdc.ped>птушкі-шчасця]]
  * [[творы/янка-брыль/птушкі-i-гнёзды-сцюдзёны-вырай-аповесць-]]
  * [[творы/янка-брыль/увесь-свет-адзін-дом-па-раману-янкі-брыл]]
  * [[творы/янка-брыль/раман-янкі-брыля-птушкі-і-гнёзды-вобраз-]]
  * [[творы/янка-брыль/птушкі-i-гнёзды-гнёзды-за-дымам-аповесць]]