~~META:
title = Авяр’ян Дзеружынскі — Добрае сэрца
&keywords = птушанятак, дзетак, пліска, гняздо, хлапчук
&abstract = Чытаць верш Авяр’яна Дзеружынскага "Добрае сэрца"
&iftrue = nan
~~

====== Авяр’ян Дзеружынскі — Добрае сэрца ======
ад рэчкай –\\
З берага\\
Ўпала гняздзечка\\
Ад плыні глыбокае\\
Блізка.\\
Няшчасце вялікае\\
Ў пліскі –\\
Загінуць\\
Яе дзіцяняткі –\\
Маленькія плісяняткі.\\
\\
Па беразе крочыў\\
Хлапчынка.\\
Пачуў ён\\
Той самай хвілінкай,\\
Калі захацеў\\
Парыбачыць,\\
Што хтосьці\\
Ціліўкае-плача.\\
Тады аглянуўся\\
I ўбачыў – бяда,\\
Трох птушанятак\\
Затопіць вада.\\
\\
Ляжалі яны\\
I не зналі,\\
Што поблізу\\
Плешчуцца хвалі,\\
А побач гняздо –\\
Іх калыска ...\\
Тут лётала\\
Бедная пліска.\\
\\
Да дзетак наблізіцца,\\
Сядзе,\\
Самота\\
Ў птушыным паглядзе,\\
У вочках\\
Такая трывога.\\
\\
«Тут трэба\\
Мая дапамога», –\\
Падумаў хлапчук\\
I ў момант які\\
Прыладзіў гняздо\\
На грудку́, ля ракі,\\
\\
Затым\\
У птушыную хатку\\
Прынёс\\
Трох малых птушанятак.\\
I пліска\\
Заўважыла гэта.\\
Яна прыляцела\\
Да дзетак.\\
\\
Хлапчук\\
Рыбку вудзіў\\
I клаў у вядзерца.\\
Ён меў\\
Вельмі добрае\\
Сэрца.
 


===== Падобныя старонкі =====
  * [[творы/авяр-ян-дзеружынскі/авяр-ян-дзеружынскі-беларуская-бульба]]
  * [[творы/авяр-ян-дзеружынскі/авяр-ян-дзеружынскі-балбатуха-міла]]
  * [[творы/авяр-ян-дзеружынскі/авяр-ян-дзеружынскі-той-хто-працуе]]
  * [[творы/авяр-ян-дзеружынскі/авяр-ян-дзеружынскі-васілёк]]
  * [[творы/авяр-ян-дзеружынскі/авяр-ян-дзеружынскі-азбука-птушак]]