~~META:
title = Авяр’ян Дзеружынскі — Вясновы лес
&keywords = вылазіць
&abstract = Чытаць верш Авяр’яна Дзеружынскага "Вясновы лес"
&iftrue = nan
~~

====== Авяр’ян Дзеружынскі — Вясновы лес ======
ні хмурынкі нідзе.\\
Золак гарыць...\\
Над старонкай лясною\\
Новы займаецца дзень.\\
\\
Ціха вылазіць\\
З набраклай пупышкі\\
Першы нясмелы лісток.\\
Траўкай шуршаць\\
Пад бярозаю мышкі,\\
А на бярозе\\
Вавёркі\\
П’юць сок.\\
\\
Выбегла з норкі\\
Хітрая ліска.\\
Зайкін абнюхала след.\\
Водзіць вяртуха\\
Танкляваю пыскай,\\
Марыць пра смачны абед.\\
\\
Бусел гняздо\\
На старым дубе ладзідь.\\
Тупае чапля,\\
Ідзе ў сітнякі.\\
На астравок\\
Асцярожна вылазіць\\
Чуткі бабёр\\
З каламутнай ракі.\\
\\
Лес надзявае\\
Ўбор свой вясновы\\
Пасля\\
Зімовага сну.\\
А шчабятушкі,\\
Мілыя птушкі,\\
Песнямі\\
Славяць вясну.
 


===== Падобныя старонкі =====
  * [[творы/авяр-ян-дзеружынскі/авяр-ян-дзеружынскі-азбука-птушак]]
  * [[творы/авяр-ян-дзеружынскі/авяр-ян-дзеружынскі-беларуская-бульба]]
  * [[творы/авяр-ян-дзеружынскі/авяр-ян-дзеружынскі-той-хто-працуе]]
  * [[творы/авяр-ян-дзеружынскі/авяр-ян-дзеружынскі-васілёк]]
  * [[творы/авяр-ян-дзеружынскі/авяр-ян-дзеружынскі-балбатуха-міла]]