~~META:
title = Авяр’ян Дзеружынскі — Балбатуха Міла
&keywords = міла, ложка, урокі, устала, пераказ, зрабіла
&abstract = Чытаць верш Авяр’яна Дзеружынскага "Балбатуха Міла"
&iftrue = nan
~~

====== Авяр’ян Дзеружынскі — Балбатуха Міла ======
ы, Зіна,\\
Пераказ зрабіла?\\
Зрабіла ўжо?\\
Я так і знала,\\
А я яшчэ\\
Не пачынала.\\
Лапоча зноў у трубку\\
Міла:\\
– Задачы, Оля,\\
Ты рашыла?\\
Хвалю цябе.\\
А я ўсё спала,\\
Нядаўна з ложка толькі\\
Устала.\\
– Алё-алё, –\\
Балбоча Міла, –\\
Урокі, Аня,\\
Ты вучыла?\\
Мыць посуд\\
Маме памагаеш?\\
Калі ты толькі паспяваеш?!\\
I гэтак\\
Лапатуха Міла\\
Усіх сябровак\\
Абзваніла,\\
Вячэру смачную\\
Паела,\\
За стол\\
Рабіць урокі села.\\
I адзін раз\\
Не прачытала –\\
Пераказ\\
Убок адклала.\\
Узялася\\
За задачу –\\
Напаткала\\
Зноў няўдача:\\
«Адыманне\\
I складанне\\
Адкладу я лепш\\
Да рання».\\
Ранкам,\\
Як устала з ложка,\\
Паглядзела ў кнігі\\
Трошкі,\\
З’ела з кавай\\
Дзве аладкі\\
I пабегла\\
На заняткі.\\
Што было\\
На тых занятках,\\
Потым зналі\\
Мамка й татка –\\
Балбатуха\\
Наша Міла\\
Аж тры двойкі\\
Адхапіла.
 


===== Падобныя старонкі =====
  * [[творы/авяр-ян-дзеружынскі/авяр-ян-дзеружынскі-той-хто-працуе]]
  * [[творы/авяр-ян-дзеружынскі/авяр-ян-дзеружынскі-беларуская-бульба]]
  * [[творы/авяр-ян-дзеружынскі/авяр-ян-дзеружынскі-васілёк]]
  * [[творы/авяр-ян-дзеружынскі/авяр-ян-дзеружынскі-прамяніся-ярчэй-і-яр]]
  * [[творы/авяр-ян-дзеружынскі/авяр-ян-дзеружынскі-азбука-птушак]]