~~META:
title = Эўфемізм
&keywords = эўфемізм
&abstract = Што такое эўфемізм? Прыклады эўфемізмаў
&iftrue = nan
~~

====== Эўфемізм ======
Эўфемізм (ад грэч. euphmeo — кажу ветліва) — замена непрыемнага ці непрыстойнага слова (словазлучэння) больш далікатным або прыгожым словам ці выразам.\\
Чытач (слухач) твора, ведаючы тое слова, якое замяняецца, успрымае эўфемізм як пэўны мастацкі прыём, што вядзе да таго ці іншага мастацкага эфекту. У якасці эўфемізмаў могуць выступаць асобныя выразы [[слоўнік/метанімія|метанімічнага]], [[слоўнік/метафара|метафарычнага]] і [[слоўнік/перыфраза|перыфрастычнага]] характару. Напрыклад: недалёкі чалавек — замест дурань, ухіляцца ад ісціны — замест ілгаць і г. д.\\
У вершы [[постаці/кандрат-крапіва|Кандрата Крапівы]] «Фрыцавы трафеі» ёсць наступны эўфемізм: «Фрыц плячысты на жывот». Тут быццам бы больш«далікатны» выраз плячысты на жывот, які замяняе слова абжора, дапамагае стварыць камічны эфект.\\
Словы і выразы, супрацьлеглыя эўфемізмам па стылістычнай афарбоўцы, — [[слоўнік/вульгарызм|вульгарызмы]]. Так, слова памерці можа быць заменена, з аднаго боку, эўфемізмам (заснуць назаўсёды, развітацца з жыццём і г. д.), а з другога — вульгарызмамі (даць дуба, аддаць канцы і г. д.).