~~META:
title = Эскіз
&keywords = эскіз
&abstract = Тэрмін "эскіз" у літаратуры. Прыклады і асаблівасці эскізаў
&iftrue = nan
~~

====== Эскіз ======
Эскіз (ад франц. esquisse — папярэдні накід) — гэтым тэрмінам, што ўжываецца ў мастацтве жывапісу (агульны накід усяго малюнка ці асобнай яго часткі ), часам называюць невялікі верш-замалёўку, заснаваны на нейкай адной зрокаванагляднай дэталі . Вось, для прыкладу, «Эскіз» [[творы/янка-сіпакоў/творчасць-янкі-сіпакова|Янкі Сіпакова]]:

Прысланіўся да ліўня тугога спіною натомленай

і гляджу з-пад далоні, удзіўлены,

Як перад самай сцяною дажджу хапатліва

мак пад сонцам таўкуць камары...

\\
У такім самым значэнні падчас выкарыстоўваецца тэрмін **эцюд** («Эцюд» [[постаці/максім-танк|Максіма Танка]], «[[творы/генадзь-бураўкін/генадзь-бураўкін-эцюд-рэўнасці|Эцюд рэўнасці]]» [[постаці/генадзь-бураўкін|Генадзя Бураўкіна]], «Эцюды» А. Грачанікава і інш.)