~~META:
title = Эпіталама
&keywords = эпіталама
&abstract = Што такое эпіталама? Першая беларуская эпіталама
&iftrue = nan
~~

====== Эпіталама ======
Эпіталама (грэч. epіthalamіos oіdе , ад ері — на, з выпадку і thalamos — шлюб, шлюбнае ложа) — урачыстая вясельная песня ў гонар жаніха і нявесты. Узнікла ў народным вясельным абрадзе ў Старажытнай Грэцыі і Рыме. Адзін з яе відаў — **гіменэй**, песня, у суправаджэнні якой нявеста ўваходзіла ў дом жаніха. Пазней эпіталама набыла значэнне самастойнага літаратурнага жанру — своеасаблівай [[слоўнік/ода|оды]] ў гонар маладых.\\
Вядомыя эпіталамы Сафо (VII ст. да н. э.), Катула (I ст. да н. э.). У Расіі да яе звярталіся В. Традзьякоўскі, I. Севяранін.\\
Першую беларускую эпіталаму напісаў [[творы/уладзімір-караткевіч/творчасць-уладзіміра-караткевіча|Уладзімір Караткевіч]] (1967):

Кахання бог у светлай сіле\\
Сядзіць між нас. Я п’ю нагбом\\
За вас: прыгожых, добрых, мілых,\\
За ваш стары і новы дом.\\
Да схілу дзён сваіх астатніх\\
Мы вам сябры. Няхай жыве\\
Наш гонар: Слава і Тацяна,\\
Сябры ад сёння і — навек.\\
Малю аб вечным і адзіным:\\
Хай шчасны будзе на вякі\\
Шлюб Беларусі і Ўкраіны,\\
Шлюб Львова й Іслачы-ракі.

\\
Эпіталаму «[[творы/янка-сіпакоў/янка-сіпакоў-уваходзіны-ў-паэму|Уваходзіны ў паэму]]» напісаў [[творы/янка-сіпакоў/творчасць-янкі-сіпакова|Янка Сіпакоў]]. Эпіталамны характар маюць асобныя раздзелы паэмы [[постаці/янка-купала|Янкі Купалы]] «[[творы/янка-купала/янка-купала-яна-і-я|Яна і я]]».

 


===== Падобныя старонкі =====
  * [[творы/янка-сіпакоў/янка-сіпакоў-уваходзіны-ў-паэму]]