~~META:
title = Элегічны двуверш
&keywords = элегічны, двуверш
&abstract = Што такое элегічны двуверш? Асаблівасці і прыклады элегічнага двуверша
&iftrue = nan
~~

====== Элегічны двуверш ======
Элегічны двуверш — двухрадковая [[слоўнік/страфа|страфа]] антычнага верша, у якой першы радок [[слоўнік/гекзаметр|гекзаметр]], а другі [[слоўнік/пентаметр|пентаметр]]. Звычайна кожная такая страфа выражала закончаную думку. Ужываўся элегічны двуверш у [[слоўнік/элегія|элегіях]], [[слоўнік/эпіграма|эпіграмах]], [[слоўнік/эпітафія|эпітафіях]], розных афарыстычных выказваннях.\\
У беларускай лацінамоўнай паэзіі элегічным двувершам напісаная знакамітая паэма [[творы/мікола-гусоўскі/мікола-гусоўскі-песня-пра-зубра|Міколы Гусоўскага «Песня пра зубра»]] (1522).\\
Перайшоўшы ў еўрапейскую сілаба-танічную паэзію ў некалькі змененым выглядзе (на месцы ранейшых доўгіх складоў у гекзаметры і пентаметры сталі націскныя, на месцы кароткіх — ненаціскныя), элегічны двуверш пашырыў свае жанравыя рамкі, страціў былую сэнсавую і страфічную замкнёнасць. Да яго звярталіся Гётэ, Шылер, А. Пушкін, А. Фет, Iван Франко і іншыя паэты.\\
У беларускую паэзію элегічны двуверш увёў [[творы/максім-багдановіч/творчасць-максіма-багдановіча|Максім Багдановіч]]. Вось адзін з яго [[слоўнік/чатырохрадковік|чатырохрадковікаў]], напісаных элегічным двувершам:

З нізкага берагу дно акіяна вачам недаступна, —\\
Глуха укрыла яго сіняя цемень вады.\\
Але ўзбярыся ўгару на вяршыню прыбрэжнай

страмніны, —

Кожны каменьчык на дне, пэўна, пабачыш ты стуль.

\\
Развіваючы традыцыі [[слоўнік/антычнае-метрычнае-вершаванне|антычнага вершавання]], Максім Багдановіч у асобных выпадках ужываў у элегічным двувершы рыфму, чаго ў ім ніколі не было:

Падаюць вішняў цвяты, і разносіць іх вецер халодны;\\
Снегам у чорную гразь падаюць вішняў цвяты.\\
Плачце, галіны, лісты! Загубілі вятры цвет ваш

родны,

Не к чаму болей вам жыць. Плачце, галіны, лісты!

Зараз элегічны двуверш у беларускай паэзіі амаль не сустракаецца.