~~META:
title = Экспазіцыя
&keywords = экспазіцыя
&abstract = Экспазіцыя як элемент сюжэта літаратурнага твора
&iftrue = nan
~~

====== Экспазіцыя ======
Экспазіцыя (ад лац. expositio — растлумачэнне) — частка твора (перад [[слоўнік/завязка|завязкай]] [[слоўнік/сюжэт|сюжэта]]), у якой аўтар знаёміць чытача з героямі, месцам і часам дзеяння. У экспазіцыі апісваюцца абставіны, у агульных рысах паказваюцца ўзаемаадносіны паміж героямі.\\
Экспазіцыя можа быць кароткай, але можа складаць цэлыя раздзелы твора. Бывае, што экспазіцыя знаходзіцца і пасля завязкі, калі аўтар падрабязна апісвае новыя абставіны, характарызуе новых персанажаў, якія ўступаюць у дзеянне.\\
У паэме [[творы/янка-купала/янка-купала-курган|Янкі Купалы «Курган»]] экспазіцыя дадзена ў другім раздзеле твора:

На тары, на крутой, на абвітай ракой,

Лет назад таму сотня ці болей,

Белы хорам стаяў, недаступнай сцяной,

Грозна, думна глядзеў на прыволле...