~~META:
title = Шасцірадковік
&keywords = шасцірадковік
&abstract = Шасцірадковік - від верша. Прыклады шасцірадковікаў у беларускай паэзіі
&iftrue = nan
~~

====== Шасцірадковік ======
Шасцірадковік — верш з шасці вершарадоў, завершаных па метрычнаму, інтанацыйна-сінтаксічнаму малюнку і па думцы. Рыфмоўка ў ім можа быць розная: ААББВВ, аБаБвв, абвабв і інш.\\
Вершы-шасцірадковікі вызначаюцца паглыбленым лірычным роздумам, афарыстычнасцю паэтычнага выказвання. Напрыклад:

Мы славу параўноўваем з віном,\\
А забыццё глухое — з палыном.\\
Пакуль не лёг твой цень, твой дзень кароткі\\
З табою ў ложак вечнасці — труну,\\
П’ючы шумлівай славы хмель салодкі,\\
Не забывай пра горыч палыну.\\
([[постаці/аркадзь-куляшоў|Аркадзь Куляшоў]])\\
\\
О, колькі ў нас нянек у літаратуры,\\
Дарадчыкаў і невясёлых і хмурых,\\
Прыхільнікаў розных сіропаў і сосак,\\
Ахоўнікаў сцёртых пытальнікаў, косак, —\\
Што часам шукае ў натоўпе рука\\
Сустрэць хоць бы нейкага ерэтыка.\\
([[постаці/максім-танк|Максім Танк]])