~~META:
title = Чатырнаццацірадкoўе
&keywords = Чатырнаццацірадкoўе
&abstract = Чатырнаццацірадкoўе як страфа. Асаблівасці і прыклады ўжывання чатырнаццацірадкoўяў
&iftrue = nan
~~

====== Чатырнаццацірадкoўе ======
Чатырнаццацірадкoўе — [[слоўнік/страфа|страфа]] з чатырнаццаці вершарадоў.\\
Да чатырнаццацірадкoўяў адносіцца [[слоўнік/анегінская-страфа|анегінская страфа]]. [[слоўнік/санет|Санет]] таксама мае чатырнаццаць вершарадоў. Такой страфой, якая сваёй [[слоўнік/архітэктоніка|архітэктонікай]] нагадвае санет, толькі не падзелены на [[слоўнік/чатырохрадкоўе-катрэн|катрэны]] і [[слоўнік/трохрадкоўе-тэрцэт|тэрцэты]], [[постаці/алесь-салавей|Алесь Салавей]] напісаў паэму «На хуткіх крыллях вольнага Пегаса». Вось адзін з гэтых 25-і чатырнаццацірадкoўяў з рыфмоўкай //АбАбАбАбВггВгВ//:

\\
Мінаюць дваццаць першыя угодкі\\
майго жыцця. Пакуль яшчэ не стар —\\
усё, што я набыў за час кароткі,\\
што маю — пакладу на свай алтар.\\
Для вас, сябры мае і аднагодкі,\\
народзе мой, крывіцкі мой абшар,\\
нашчадкі прышлага, былога продкі,\\
я прысвячаю слоў сардэчных дар.\\
Дармо, што вас не бачу гэтым часам,\\
дармо, што есць мяне чужыны золь,\\
грызе душу цяжкой разлукі моль, —\\
знясу усё — і зло, і перагасы,\\
да вас прымчу слоў гэтых хлеб і соль\\
на хуткіх крыллях вольнага Пегаса.