~~META:
title = Хоку (хайку)
&keywords = Хоку, хайку
&abstract = Што такое хоку (хайку)?  Прыклады беларускіх хоку
&iftrue = nan
~~

====== Хоку (хайку) ======
Хоку (хайку) — манастрафічны трохрадковы верш у японскай паэзіі. Як і [[слоўнік/танка|танка]], хоку належыць да асноўных відаў японскага верша.\\
Структурна хоку выдзеліўся з танкі і з’яўляецца яе скарочанай формай. У хоку адсутнічае [[слоўнік/рыфма|рыфма]], але строга захоўваецца пэўная колькасць складоў у вершарадах: у першым і трэцім — пяць, у другім — сем.\\
Надзвычайная сцісласць хоку прадвызначыла ёмістасць зместу, вобразную лаканічнасць і дакладнасць паэтычнага выказвання.\\
Найбольш славуты майстар хоку у японскай паэзіі — сярэдневяковы паэт-класік Мацуа Басё (XVІІ ст.). Да хоку зрэдку звяртаюцца маладыя беларускія паэты:

Дыханне зямлі\\
ветрам і аблокамі\\
над намі плыве.\\
(Адам Глобус).\\
\\
Трымаю ў руцэ\\
Бессмяротныя кветкі —\\
Кветкі надзеі.\\
(М. Шайбак)

\\
Прыклады хоку можна знайсці ў зборніку «Круглы год: Хоку беларускіх паэтаў» (Уклаў У. Адамчык; Мн., 1996), у які ўвайшлі вершы [[постаці/максім-танк|Максіма Танка]], Уладзіміра Арлова, У. Сіўчыка, В. Шніпа і інш.

Ёсць хоку у [[творы/рыгор-крушына/творчасць-рыгора-крушыны|Рыгора Крушыны]] ("[[творы/рыгор-крушына/рыгор-крушына-хай-кай|Хай-кай]]")

 


===== Падобныя старонкі =====
  * [[творы/рыгор-крушына/рыгор-крушына-хай-кай]]