~~META:
title = Тэрцына
&keywords = тэрцына
&abstract = Што такое тэрцына? Прыклады выкарыстання тэрцыны ў беларускай паэзіі
&iftrue = nan
~~

====== Тэрцына ======
Тэрцына (італ. terzina, ад terza — трэцяя) — від верша, напісанага [[слоўнік/трохрадкоўе-тэрцэт|трохрадкоўямі]] з ланцужковай кампазіцыяй. Звычайна памер тэрцыны — пяцістопны [[слоўнік/ямб|ямб]]. Усе трохрадкоўі ў такім вершы звязваюцца арыгінальнай рыфмоўкай: сярэдні радок кожнай папярэдняй страфы рыфмуецца з двума крайнімі наступнай (аба бвб вгв...). Тэрцына заканчваецца асобным радком, што рыфмуецца з сярэднім радком апошняга трохрадкоўя.\\
Тэрцыну ўвёў у паэзію вялікі італьянскі паэт Дантэ, які напісаў імі сусветнавядомую «Боскую камедыю» (1307-1321). Спарадычна да тэрцыны звярталіся А. Пушкін («...В начале жизни школу помню я»), А. Блок («Песнь Ада»), Іван Франко ([[слоўнік/пралог|пралог]] да паэмы «Майсей»).\\
У беларускай паэзіі першы ўзор тэрцыны належыць Максіму Багдановічу (1913):

Ёсць чары у забытым, старадаўным;\\
Прыемна нам сталеццяў пыл страхнуць\\
І жыць мінулым — гэткім мудрым, слаўным, —\\
\\
Мы любім час далёкі ўспамянуць,\\
Мы сквапна цягнемся к старым паэтам,\\
Каб хоць душой у прошлым патануць.\\
\\
Таму вярнуўся я к рандо, санетам,\\
І бліснуў ярка верш пануры мой:\\
Як месяц зіхаціць адбітым светам, —\\
\\
Так вершы ззяюць даўняю красой!

\\
Украінскі паэт Паўло Тычына напісаў тэрцынай тры вершы, прысвечаныя М. Кацюбінскаму.\\
Сучасная ўсходнеславянская, у тым ліку беларуская, паэзія да тэрцыны звяртаецца рэдка. Прыкладам тэрцыны (праўда, без заключнага радка) з'яўляецца верш К. Кірэенкі «Пасля навальніцы». Ёсць тэрцыны ў [[постаці/алесь-салавей|Алеся Салаўя]] («[[творы/алесь-салавей/алесь-салавей-восеньскія-тэрцыны|Восеньскія тэрцыны]]», «[[творы/алесь-салавей/алесь-салавей-о-не-ня-цёмным-воблакам-шп|О не, ня цёмным воблакам шпакі...]]», «[[творы/алесь-салавей/алесь-салавей-мала|Мала]]»), [[постаці/рыгор-крушына|Рыгора Крушыны]] ([[творы/рыгор-крушына/рыгор-крушына-тэрцыны|«Тэрцыны»]]), Максіма Танка («[[творы/максім-танк/максім-танк-ля-гэтых-сосен|Ля гэтых сосен]]»), [[постаці/уладзімір-караткевіч|Уладзіміра Караткевіча]] ([[творы/уладзімір-караткевіч/уладзімір-караткевіч-апошняя-песня-дантэ|«Апошняя песня Дантэ»]]), Янкі Сіпакова («[[творы/янка-сіпакоў/янка-сіпакоў-тэрцыны-пра-наручнікі|Тэрцыны пра наручнікі]]»), А. Грачанікава («Нам свецяць»), [[творы/эдуард-акулін/творчасць-эдуарда-акуліна|Эдуарда Акуліна]] («[[творы/эдуард-акулін/эдуард-акулін-тэрцыны|Тэрцыны]]») і некаторых інш.

 l>


===== Падобныя старонкі =====
  * [[творы/алесь-салавей/алесь-салавей-восеньскія-тэрцыны]]
  * [[творы/алесь-салавей/алесь-салавей-о-не-ня-цёмным-воблакам-шп]]
  * [[творы/янка-сіпакоў/янка-сіпакоў-тэрцыны-пра-наручнікі]]
  * [[творы/алесь-салавей/алесь-салавей-мала]]
  * [[творы/рыгор-крушына/рыгор-крушына-тэрцыны]]