~~META:
title = Сінярэза
&keywords = сінярэза
&abstract = Сінярэза - зліццё двух кароткіх складоў у адзін доўгі
&iftrue = nan
~~

====== Сінярэза ======
Сінярэза (ад грэч. synairsis — з’яднанне, сцісканне) — у [[слоўнік/антычнае-метрычнае-вершаванне|антычнай]] сістэме вершавання зліццё двух кароткіх складоў у адзін доўгі.\\
У беларускай [[слоўнік/сілаба-танічнае-вершаванне|сілаба-тоніцы]] гэты тэрмін абазначае з’яву, калі, дзеля захавання [[слоўнік/памер-вершаваны|вершаванага памеру]], два галосныя, што стаяць побач, вымаўляюцца як адзін або злучнік і ператвараецца ў й, ці прыназоўнік у скарачаецца нават пасля зычнага і ў пачатку радкоў. Напрыклад:

Скажыце мне, а за каго йны [яны]...\\
([[постаці/янка-купала|Янка Купала]]. «Там...»)\\
\\
А там застыла яснасць даляў чыстых\\
Над цёмнай рунню й чорнай цаліной.\\
([[постаці/уладзімір-жылка|Уладзімір Жылка]]. «[[творы/уладзімір-жылка/уладзімір-жылка-восень|Восень]]»)\\
\\
Вясной, ў сяўбу, гарачым часам,\\
Ўстаюць на вёсцы з сонцам разам.\\
([[постаці/язэп-пушча|Язэп Пушча]]. «[[творы/язэп-пушча/язэп-пушча-сяўба|Сяўба]]»)

\\
Злоўжыванне сінярэзай (гэта, у прыватнасці, заўважаецца ў паэзіі Язэпа Пушчы апошняга перыяду) шкодзіць мастацкай дасканаласці паэтычных твораў.\\
Як сінярэзу трэба ўспрымаць ужыванне ў вершаванай мове некаторых скарочаных словаформ (мо— замест можа, шчэ — замест яшчэ, трэ — замест трэба і г. д.). Параўн.: [[слоўнік/дыярэза|дыярэза]].