~~META:
title = Сінекдаха
&keywords = cінекдаха
&abstract = Што такое сінекдаха? Прыклады сінекдахі
&iftrue = nan
~~

====== Сінекдаха ======
Сінекдаха (грэч. synekdoch — суаднясенне) — разнавіднасць [[слоўнік/метанімія|метаніміі]], у якой адны паняцці замяняюцца другімі на аснове іх колькасных суадносін.\\
Найбольш распаўсюджаны від сінекдахі — ужыванне часткі з'явы ці прадмета ў значэнні цэлага:

З той пары //Масква, Варшава,\\
Рыга, Вільня, Бак, Лібава,\\
Беларусь, Літва, Расея//\\
Гоняць вон цара-зладзея!\\
([[творы/цётка-алаіза-пашкевіч/цётка-алаіза-пашкевіч|Цётка.]] [[творы/цётка-алаіза-пашкевіч/цётка-хрэст-на-свабоду|«Хрэст на свабоду»]])\\
\\
Ты, //мой брат, каго зваць Беларусам//,\\
Роднай мовы сваёй не цурайся;\\
Як не зрокся яе пад прымусам,\\
Так і вольны цяпер не зракайся.\\
([[постаці/алесь-гарун|Алесь Гарун]]. [[творы/алесь-гарун/алесь-гарун-у-чатырохлецце-нашае-нівы|«Ты, мой брат, каго зваць Беларусам»]])\\
\\
Часам цэлае ўжываецца ў значэнні часткі:\\
Ён зменлівы, //наш час//,\\
Такі гарачы!\\
Не слухае драздоў,\\
Не ходзіць па расе.\\
([[постаці/пімен-панчанка|Пімен Панчанка.]] «...Шумяць планавікі і прагназісты»)

\\
Сінекдахай з'яўляецца таксама ўжыванне адзіночнага ліку ў значэнні множнага (Свет трымаўся на //ўдаве//) або множнага — у значэнні адзіночнага («Толькі мне не да казак — пачуцці не тыя: %%//%% Зданню вязні //майданекаў// ходзяць жывыя» — [[постаці/алесь-бачыла|Алесь Бачыла]]), замена родавага паняцця відавым (вучыся шанаваць //капейку//), відавога — родавым (//Сонца// перайшло з канапы на сцяну).