~~META:
title = Сямірадкоўе (септыма)
&keywords = сямірадкоўе, септыма
&abstract = Сямірадкоўе (септыма). Прыклады сямірадкоўяў
&iftrue = nan
~~

====== Сямірадкоўе (септыма) ======
Сямірадкоўе, або **септыма** (ад лац. septima — сёмая), — сямірадковая [[слоўнік/страфа|страфа]] на адну, дзве або тры рыфмы з рознай схемай [[слоўнік/рыфмоўка|рыфмоўкі]]: //ааБввБв, аБаБввБ, ааБвваБ, ААББВВБ// і інш. У паэзіі сустракаецца даволі рэдка.\\
Сямірадкоўямі карысталіся М. Лермантаў («Бородино»), А. К. Талстой («Волки»), Iван Франко («Semper tiro»), Л. Первамайскі («Іван-горад») і некаторыя іншыя рускія і ўкраінскія паэты. Сямірадкоўямі пісаў [[постаці/якуб-колас|Якуб Колас]]:

Пануй, Мікалае,\\
Часіна такая,\\
Трымайся прастола,\\
А будзе вас гола.\\
Закончан малебен,\\
Ты нам не патрэбен,\\
Другі і апошні Мікола!\\
(«Малебен»)

\\
Септымай з арыгінальнай рыфмоўкай(АББАААБ) напісаны верш [[постаці/васіль-зуёнак|Васіля Зуёнка]] «[[творы/васіль-зуёнак/васіль-зуёнак-у-грымотах-ашалелых-веку|...У грымотах ашалелых веку]]»:

\\
У грымотах ашалелых веку\\
Вы не чулі, што гэта такое —\\
Зона абсалютнага спакою,\\
Аб якой лясы, палі і рэкі\\
Б’юць чалом штодзённа чалавеку,\\
Б’юць чалом, каб адпусціў на лекі\\
Цішыні хоць зернейка скупое?

\\
Да септымы звярнуліся [[постаці/алесь-салавей|Алесь Салавей]] («[[творы/алесь-салавей/алесь-салавей-раманс-няма-нідзе|Раманс]]»), Х. Жычка («Наш дзень»), Алесь Бадак («[[творы/алесь-бадак/алесь-бадак-каторы-дзень|Каторы дзень]]»), Ю. Бармута («Што нашу я ў руках?) і некаторыя іншыя беларускія паэты.\\
[[постаці/ніл-гілевіч|Ніл Гілевіч]] напісаў сямірадкоўямі вялікі цыкл вершаў, выкарыстаўшы некалькі іх рыфмова-клаўзуальных схем.