~~META:
title = Страфоід
&keywords = страфоід
&abstract = Што такое страфоід? Асаблівасці і прыклады падзелу вершаў на страфоіды
&iftrue = nan
~~

====== Страфоід ======
Страфоід — група радкоў вершаванага твора з вольнай [[слоўнік/рыфмоўка|рыфмоўкай]] або без рыфмоўкі, завершаных па інтанацыйна-сінтаксічнаму малюнку і па думцы.\\
На страфоіды дзеляцца [[слоўнік/астрафічны-верш|астрафічныя вершы]]. Страфоіды ў большай ступені, чым [[слоўнік/страфа|строфы]], валодаюць унутранай сэнсавай цэльнасцю і завершанасцю, бо вызначае характар страфоіда не колькасць радкоў або парадак рыфмоўкі (як у строфах), а логіка разгортвання вобразна-паэтычнай думкі.\\
Найбольш часта страфоіды сустракаюцца ў пазаметрычных формах верша ([[слоўнік/дольнік|дольнік]], [[слоўнік/тактавік|тактавік]], [[слоўнік/свабодны-верш-верлібр|свабодны верш]]).\\
Вось невялікі верш [[постаці/максім-танк|Максіма Танка]] з двух страфоідаў:

О, як лёгка ісці,\\
Адчуваючы матчыны рукі,\\
Адчуваючы крылы юнацтва,\\
Адчуваючы плечы каханай!\\
\\
І як цяжка цягнуцца,\\
Ў далонях трымаючы толькі\\
Кульбаку ўспамінаў.