~~META:
title = Стансы
&keywords = стансы
&abstract = Краткие содержания, биографии писателей, произведения школьной программы по белорусской литературе, внеклассное чтение. Диктанты и изложения
&iftrue = nan
~~

====== Стансы ======
Стансы (ад італ. stanza — пакой, памяшканне, прыпынак) — невялікі лірычны [[слоўнік/медытацыя|верш-медытацыя]], напісаны [[слоўнік/чатырохрадкоўе-катрэн|чатырохрадкоўямі]], кожнае з якіх мае сэнсавую і кампазіцыйна-сінтаксічную завершанасць, адасобленасць ад іншых.\\
Стансы пісалі Байран («Стансы», «Стансы да Аўгусты»), А. Пушкін («Брожу ли я вдоль улиц шумных», «В надежде славы и добра») і некаторыя іншыя паэты XVІІІ—XІX стст.\\
У беларускай паэзіі стансам можна лічыць верш [[творы/максім-багдановіч/творчасць-максіма-багдановіча|Максіма Багдановіча]] «[[творы/максім-багдановіч/максім-багдановіч-рушымся-брацця-хутчэй|Рушымся, брацця, хутчэй...]]»:

Рушымся, брацця, хутчэй,\\
Ў бой з жыццём, пакідаючы жах,\\
Крыкі пужлівых людзей\\
Не стрымаюць хай бітвы размах...\\
\\
Проці цячэння вады\\
Зможа толькі жывое паплыць,\\
Хвалі ж ракі заўсягды\\
Тое цягнуць, што скончыла жыць.

\\
Ёсць прыклад "[[творы/рыгор-крушына/рыгор-крушына-стансы|Стансаў]]" у [[творы/рыгор-крушына/творчасць-рыгора-крушыны|Рыгора Крушыны]].

Стансы сустракаюцца (праўда, вельмі рэдка) і ў некаторых сучасных беларускіх паэтаў ([[творы/алесь-звонак|Алеся Звонака]], С. Ліхадзіеўскага і інш.).\\
У асобных еўрапейскіх літаратурах (англійскай, італьянскай і інш.) стансамі называюць звычайныя [[слоўнік/страфа|строфы]].

 


===== Падобныя старонкі =====
  * [[творы/рыгор-крушына/рыгор-крушына-стансы]]