~~META:
title = Секстына
&keywords = секстына
&abstract = Што такое секстына? Асаблівасці і прыклады секстыны
&iftrue = nan
~~

====== Секстына ======
Секстына (італ. sestіna, ад лац. sex — шэсць) — від шасцірадковага верша, а таксама [[слоўнік/страфа|страфа]] з [[слоўнік/чатырохрадкоўе-катрэн|чатырохрадкоўя]] з перакрыжаванай [[слоўнік/рыфмоўка|рыфмоўкай]] і [[слоўнік/двухрадкоўе|двухрадкоўя]] з сумежнай рыфмоўкай (аБаБвв). Першыя чатыры радкі страфы могуць мець апаясную рыфмоўку (аББавв). Здараецца, двухрадкоўе стаіць у пачатку секстыны (ААбВбВ). Сустракаецца секстына і на дзве рыфмы: аБаБаБ (дарэчы, некаторыя літаратуразнаўцы секстынай лічаць толькі гэты від [[слоўнік/шасцірадкоўе-секстэт|шасцірадкоўя]]).\\
Пішацца звычайна пяцістопным або шасцістопным [[слоўнік/ямб|ямбам]], аднак ужываюцца і іншыя [[слоўнік/памер-вершаваны|памеры]]:

Эй, з-за лесу ды з-за гор\\
Сонца выплывае.\\
Зашумі ты, цёмны бор,\\
Пушча векавая!\\
Пойдзем, пойдзем ваяваць,\\
Долю, волю здабываць.\\
([[постаці/якуб-колас|Якуб Колас]]. «Партызанская песня»)\\
\\
Як на выросце вострая травінка\\
Рыхтуецца лязом прабіць снягоў скарынку\\
І раптам выблісне!\\
Не знаючы калі,\\
Не ведаючы як, а здарылася дзіва:\\
Зялёная насельніца зямлі\\
Ледзь прарасла, і стала ўсім шчасліва.\\
(М. Лужанін. «Танцуе Ірына Радніна»)

 


===== Падобныя старонкі =====
  * [[творы/рыгор-крушына/рыгор-крушына-секстына]]
  * [[слоўнік/секстына-лірычная]]