~~META:
title = Род літаратурны
&keywords = род, літаратурны
&abstract = Літаратурны род як катэгорыя ў класіфікацыі літаратурных твораў (эпас, лірыка, драма)
&iftrue = nan
~~

====== Род літаратурны ======
Род літаратурны - самая агульная катэгорыя ў класіфікацыі літаратурных твораў, адзін з трох ([[слоўнік/эпас|эпас]], лірыка і драма) спосабаў адлюстравання рэчаіснасці мастацкай літаратурай.\\
Паміж рознымі літаратурнымі родамі існуе цесная сувязь. Так, сучасны раман мае прыкметы не толькі эпасу, але і лірыкі (лірычныя адступленні, лірычная танальнасць апісання з'яў і падзей) і драмы (напружанае дзеянне, [[слоўнік/маналог|маналогі]] і [[слоўнік/дыялог|дыялогі]]). У некаторых творах (напрыклад, у паэме, баладзе) сувязь гэтая настолькі адчувальная, што гаворка можа ісці пра [[слоўнік/ліра-эпічныя-жанры|ліра-эпас]] як своеасаблівае міжродавае ўтварэнне.\\
Усе роды літаратурныя дзеляцца ня віды: эпас - на [[слоўнік/эпапея|эпапею]], раман, аповесць, апавяданне, драма – на камедыю, трагедыю і ўласна драму, лірыка - на вершы і песні.\\
Віды, у сваю чаргу, падзяляюцца на асобныя жанры і жанравыя разнавіднасці (гл. [[слоўнік/жанр-літаратурны|жанр літаратурны]]). Так, раманы бываюць сацыяльна-бытавыя, гістарычныя, дэтэктыўныя і інш., з вершаваных жанраў вылучаюцца [[слоўнік/ода|ода]], [[слоўнік/элегія|элегія]], [[слоўнік/эпіграма|эпіграма]], [[слоўнік/пародыя|пародыя]] і гэтак далей.

 


===== Падобныя старонкі =====
  * [[слоўнік/сувязі-літаратурныя]]
  * [[слоўнік/літаратурнае-краязнаўства]]
  * [[слоўнік/літаратурны-працэс]]
  * [[слоўнік/напрамак-літаратурны]]