~~META:
title = Рандо
&keywords = рандо
&abstract = Што такое рандо? Асаблівасці рандо і адрозненне яго ад рандэля
&iftrue = nan
~~

====== Рандо ======
Рандо (франц. rondeau, ад rond — круглы) — старафранцузскі верш з васьмі, трынаццаці або пятнаццаці радкоў, звязаных дзвюма скразнымі рыфмамі.\\
Своеасаблівасцю рандо (і адным з адрозненняў яго ад рандэля) з'яўляецца тое, што словы (часам радкі), якімі ён пачынаецца, паўтараюцца ў сярэдзіне твора і заканчваюць яго, ствараючы арыгінальнае архітэктанічнае кальцо. Так, у васьмірадовым рандо два першыя радкі паўтараюцца ў канцы твора, а першы — яшчэ і ў чацвёртым радку.\\
Кананічнае рандо складаецца з трынаццаці радкоў, пачатковыя словы яго ўтвараюць дзевяты і трынаццаты радкі верша. Пятнаццацірадковае рандо сустракаецца ў В. Брусава ("Её колени"), М. Кузміна ("В начале лета"), М. Рыльскага ("Асенняе святя"). Вось прыклад пятнаццацірадковага рандо, напісанага Максімам Багдановічам:

Узор прыгожы пекных зор\\
Гарыць у цемні небасхіла;\\
Вада балот, стаўкоў, азёр\\
Яго ў глыбі сваёй адбіла.\\
І гімн спявае жабаў хор\\
Красе, каторую з'явіла\\
Гразь луж; напоўніць мгла прастор,\\
І ўстане з іх гарашчы міла\\
Узор.\\
І сонца дальш клянуць, што скрыла\\
Луж зоры днём. І чуе бор,\\
І чуе поле крэхат хілы,\\
Ды жаб не ўчуць вышэй ад гор,\\
Там, дзе чыясь рука зрабіла\\
Узор.

\\
Арыгінальныя "Рандо" належаць А. Чарнышэвічу, [[творы/міхась-кавыль/міхась-кавыль-рандо|Міхасю Кавылю]], [[творы/рыгор-крушына/рыгор-крушына-рандо|Рыгору Крушыне]], [[творы/алесь-салавей/алесь-салавей-рандо|Алесю Салаўю]], [[творы/эдуард-акулін/эдуард-акулін-ронда|Эдуарду Акуліну]] і інш. Зрэдку сустракаецца так званае дасканалае рандо на дваццаць пяць радкоў з дзвюма рыфмамі.

 l>


===== Падобныя старонкі =====
  * [[творы/міхась-кавыль/міхась-кавыль-рандо]]
  * [[творы/эдуард-акулін/эдуард-акулін-ронда]]
  * [[творы/алесь-салавей/алесь-салавей-рандо]]