~~META:
title = Радок вершаваны
&keywords = Радок, вершаваны, вершарад
&abstract = Што такое вершаваны радок? Адрозненне вершараду ад радка вершаванага
&iftrue = nan
~~

====== Радок вершаваны ======
Радок вершаваны — графічна і інтанацыйна выдзелены моўны рад у вершаваным творы.\\
Радок вершаваны — адзінка вершаванага рытму. Радкі вершаваныя тых ці іншых памераў, спалучаючыся ў пэўным парадку, утвараюць [[слоўнік/страфа|строфы]], [[слоўнік/страфоід|страфоіды]]. Звычайна міжрадковая паўза фіксуе канец радка вершаванага, у якім поўнасцю змяшчаецца схема [[слоўнік/памер-вершаваны|вершаванага памеру]]. У такім выпадку можна гаварыць пра **вершарад**. Так, у прыведзенай ніжэй страфе з верша [[постаці/васіль-зуёнак|Васіля Зуёнка]] «...Здзіўленне — подых абнаўлення» чатыры вершарады:

З дарог якіх бы пыл ні атрасаў —\\
Я сэрцам ад цябе не адарвуся,\\
Узлётнае сцяжынкі паласа\\
Паміж палёў жытнёвых Беларусі.

\\
Аднак, каб зрабіць больш разнастайным рытмічны малюнак верша, падкрэсліць, вылучыць асобныя словы (думкі), у многіх выпадках паэты графічна дзеляць вершарады на некалькі радкоў вершаваных. Так рабіў У. Маякоўскі (т. зв. **лесвіца Маякоўскага**), так робяць і сучасныя паэты.

Ой, зіма,\\
Зіма,\\
Зіма!\\
Весялей цябе\\
Няма.\\
([[творы/пятрусь-броўка/творчасць-петруся-броўкі|Пятрусь Броўка]].

«[[творы/пятрусь-броўка/пятрусь-броўка-зімовыя-малюнкі|Зімовыя малюнкі]]»)

\\
Тут два вершарады чатырохстопнага [[слоўнік/харэй|харэя]] падзелены на пяць радкоў вершаваных (першы — на тры, другі — на два). Гэта надало рытму жвавасць, гуллівасць, што поўнасцю адпавядае думцы і настрою твора.

 


===== Падобныя старонкі =====
  * [[слоўнік/халасты-радок]]