~~META:
title = Прататып
&keywords = прататып
&abstract = Што такое прататып? Падабенста вобразаў і прататыпаў
&iftrue = nan
~~

====== Прататып ======
Прататып (гр. prototypon), або правобраз - рэальная асоба, рысы характару, жыццё або асобныя ўчынкі якой паслужылі пісьменніку асновай для створанага ім вобраза літаратурнага.\\
Ніколі вобраз і прататып не супадаюць цалкам, нават тады, калі прататып нейкага вобраза-персанажа з'яўляецца сам пісьменнік ([[творы/якуб-колас/трылогія-на-ростанях-вобраз-лабановіча-д|Андрэй Лабановіч]] у [[слоўнік/трылогія|трылогіі]] [[постаці/якуб-колас|Якуба Коласа]] "На ростанях", [[творы/янка-брыль/раман-янкі-брыля-птушкі-і-гнёзды-вобраз-|Алесь Руневіч]] у рамане [[постаці/янка-брыль|Янкі Брыля]] [[творы/янка-брыль/увесь-свет-адзін-дом-па-раману-янкі-брыл|"Птушкі і гнёзды"]] і гэтак далей). Разыходжанні паміж прататыпам і вобразам прадвызначаюцца законамі мастацкай тыпізацыі, розніцаю паміж мастацкім праўдападабенствам і жыццёвай праўдаю. Гэта добра відаць з твораў ня гістарычную тэматыку ([[творы/уладзімір-караткевіч/-каласы-пад-сярпом-тваім-асноўныя-прабле|"Каласы пад сярпом тваім"]] [[постаці/уладзімір-караткевіч|Уладзіміра Караткевіча]], [[творы/леанід-дайнека/леанід-дайнека-меч-князя-вячкі|"Меч князя Вячкі"]] [[творы/леанід-дайнека/творчасць-леаніда-дайнекі|Леаніда Дайнекі]], "Пагоня на Грунвальд" К. Тарасава, "Крыж міласэрнасці" В. Коўтун і інш.). У той жа час наяўнасць прататыпа нярэдка дапамагае пісьменніку ў выбары асноўных рыс характару, падборы яскравых дэталяў і г. д.